На ден 20.4.2023 г. МРТВ ги отвори вратите за учениците од ООУ „Славејко Арсов“ – Штип, кои зедоа учество во училишната емисија „Ѕвон“. Учениците презентираа податоци за основањето, развојот и активностите на нашето училиште; ги покажаа своите актерски способности преку изведба на две драматизации на тема „Екологија“; учествуваа во музички изведби и креативни еко-работилници и ги претставија своите постигнувања на различни натпревари и литературни конкурси. Преку своето учество во емисијата, учениците достојно го претставија нашето училиште како место каде што се градат позитивни вредности кај учениците. Во подготовките за настап учениците работеа под менторство на наставничките: Милкица Миленковиќ-Стојанова, Драгица Петрова, Славица Донева, Татјана Божинова, Ане Ампова и Татјана Тасева.